Moj-e-saba ho jaise

Yoon na mil mujh se khafa ho jaise
sath chal moj-e-saba ho jaise

log yoon dekh ke hans dete hain
tum mujhe bhool gaye ho jaise

ishq ko shirk ki hadd tak na barha
yoon na mil humse khuda ho jaise

maut bhi ayi tou iss naz k sath
mujh pe ehsaan kiya ho jaise

aise anjaan bane bethe ho
tumko kuch pata bhi na ho jaise

hicchkiyan raat ko ati hi rahien
tu ne phir yaad kiya ho jaise

zindagi beet rahi hai yoonhi
ik be-jurm saza ho jaise....!!!


Read More Classical Poetry

0 comments:

Post a Comment

 
Cultu UR Technologie Directory Shane English WEB Directory