Aap apna aap mujhe di jiye ga
aur kuch bhi na mujh se li jiye ga

Ab be misal, be misaal huun main
mujh siwa aap kis pe rijhiye ga

aap jo hain azal se be naam
naam mera kabhi to li jiye ga

aap mujh mein hi to hain so aap
mera be had khayal ki jiye ga

intezaari huun main apna din raat
ab mujhe aap bhaij di jiye ga

aap mujh ko buhat pasand aayein
aap meri qameez si jiye ga

mere jism o jaan ka hai maazi kia
bus mujh se yeh na poochiye ga

main jo huun jon elia huun janab
is ka be had lehaaz ki jiye ga

John Elia Poetry
 
Cultu UR Technologie Directory Shane English WEB Directory