Faqeerana Aaye Sada Kar Chale

Faqeerana Aaye Sada Kar Chale

By Meer Taqi Meer


Faqeerana Aaye Sada Kar Chale
Miyan khush raho ham dua ker chale.

Jo tujh bin na jeene ko kahte the ham,
So is ahd ko ab wafa kar chale.

Koi naumidana karte nigah,
So tum ham se munh bhi chhipa kar chale.

Bahut aarzoo thi gali ki teri,
So yaan se lahu mein naha kar chale.

Dikhai diye yun ke bekhud kiya,
Hamen aap se bhi juda kar chale.

Jabin sijda karte hi karte gayi,
Haq-e-bandgi ham ada kar chale.

Prastash ki yaan taeen ke ai but tujhe,
Nazr mein sabhon ki Khuda kar chale.

Gayi umr dar band-e-fikr-e-ghazal,
So is fan ko aisa bara kar chale.

Kahen kya jo puchhe koi ham se Mir,
Jahaan mein tum ae the kya kar chale.


Click Here And Read More Classical Poetry of Meer Taqi Meer

1 comments:

Unknown said...

I am a fan of Meer taqi meer and i love the deepness of his poetry.

Post a Comment

 
Cultu UR Technologie Directory Shane English WEB Directory