Dil Se Teri Nigah Jigar Tak Utar Gai

Dil se teri nigah jigar tak utar gai
donon ko ik ada mein razamand kar gai

shaq ho gaya hai sina khusha lazzat-e-farag
takleef-e-pardadari-e-zakhm-e-jigar gai

wo bada-e-shabana ki saramastiyan kahan
uthiye bas ab k lazzat-e-khwab-e-sahar gai

urti phire hai khak meri ku-e-yar mein
bare ab ai hawa, hawas-e-bal-o-par gai

dekho to dil farebi-e-andaz-e-naqsh-e-pa
mauj-e-khiram-e-yar bhi kya gul katar gai

har bulahawas ne husn parasti shiar ki
ab abaru-e-shewa-e-ahal-e- nazar gai

nazzare ne bhi kam kiya wan naqab ka
masti se har nigah tere rukh par bikhar gai

farda-o-din ka tafarruqa yak bar mit gaya
kal tum gae k ham pe qayamat guzar gai

mara zamane ne 'Asadullah khan" tumhen
wo walwale kahan, wo jawani kidhar gai



Read More Poetry of Ghalib Click Here

Dil Mera Soz-e-Nihan Se Bemuhaba Jal Gaya

Dil mera soz-e-nihan se bemuhaba jal gaya
atish-e-khamosh k manind goya jal gaya

dil mein zauq-e-wasl-o-yad-e-yar tak baki nahi
ag is ghar mein lagi aisi k jo tha jal gaya

main adam se bhi pare hun warna gafil! barha
meri ah-e-atshin se bal-e-anqa jal gaya

arz kije jauhar-e-andesha ki garmi kahan
kuch khayal aya tha wehshat ka k sehra jal gaya

dil nahi, tujh ko dikhta warna dagon ki bahar
is charagan ka, karun kya, karfarma jal gaya

main hun aur afsurdagi ki arazu "Ghalib"! k dil
dekh kar tarz-e-tapak-e-ahl-e-duniya jal gaya


Sad Poetry of Mirza Ghalib If U Want to Read More Classical Poetry of Mirza Ghalib Click Here

Dil Hi To Hai Na Sang-o-Khisht Dard Se Bhar Na Aye Kyun

"Dil Hi To Hai Na Sang-o-Khisht Dard Se Bhar Na Aye Kyun"

By Mirza Ghalib

Dil hi to hai na sang-o-khisht dard se bhar na aye kyun
roenge ham hazar bar koi hamein sataye kyun

dair nahi haram nahi dar nahi astan nahi
baithe hain rahguzar pe ham gair hamein uthaye kyun

jab wo jamal-e-dilfaroz, surat-e-mahr-e-nimaroz
ap hi ho nazrasoz, parde mein munh chupaye kyun

dashna-e-gamza jansitan, nawak-e-naz bepanah
tera hi aks-e-rukh sahi, samane tere aye kyun

qaid-e-hayat-o-band-e-gam asl mein donon ek hain
maut se pahle admi gam se najat paye kyun

husn aur us pe husn-e-zan rah gai bulahawas ki sharm
apne pe etimad hai gair ko azamaye kyun

wan wo guroor-e-izz-o-naz yan ye hijab-e-pas waza
rah mein ham milen kahan, bazm mein wo bulayen kyun

han wo nahi khudaparast, jao wo bewafa sahi
jisko ho din-o-dil aziz, us ki gali mein jaye kyun

"Ghalib"-e-khasta k bagair kaun se kam band hain
roie zar-zar kya, kijie haye-haye kyun


Click Here And Read More Poetry of Mirza Ghalib

Dil-e-Nadan Tujhe Hua Kya Hai

"Dil-e-Nadan Tujhe Hua Kya Hai"

By Mirza Ghalib

Dil-e-nadan tujhe hua kya hai
akhir is dard ki dawa kya hai

ham hain mushtaq aur wo bezar
ya ilahi ye majara kya hai

main bhi munh mein zaban rakhta hun
kash pucho k mudda kya hai

jab k tujh bin nahi koi maujud
phir ye hangama, ai Khuda kya hai

ye pari chehra log kaise hain
gamaza-o-ishwa-o-ada kya hai

shikan-e-zulf-e-ambari kyon hai
nigah-e-chashm-e-surma sa kya hai

sabza-o-gul kahan se aye hain
abr kya chiz hai hawa kya hai

hamko unse wafa ki hai ummid
jo nahi jante wafa kya hai

han bhala kar tera bhala hoga
aur darwesh ki sada kya hai

jan tum par nisar karta hun
main nahi janta dua kya hai

main ne mana k kuch nahi 'Ghalib'
muft hath aye to bura kya hai


Click Here And Read More These Types of Poetry By Mirza Ghalib

Dhota Hun Jab Main Pine Ko Us Simtan K Paon

Dhota hun jab main pine ko us simtan k paon
rakhta hai zid se khench kar bahar lagan k paon

di sadagi se jan parun kohkan k paon
hai hat kyon na tut gae pirazan k paon

bhage the ham bahut so usi ki saza hai ye
hokar asir dabte hain rahzan k paon

marham ki justaju mein phira hun jo dur-dur
tan se siwa figar hain is khasta tan k paon

Allah re zauq-e-dashtanwardi k baade-marg
hilte hain khud-ba-khud mere andar kafan k paon

hai josh-e-gul bahar mein yan tak k har taraf
urte hue ulajhte hain murg-e-chaman k paon

shab ko kisi k khwab mein aya na ho kahin
dukhte hain aj us but-e-nazukbadan k paon

'Ghalib' mere kalam mein kyon kar maza na ho
pita hun khusro-e-shirinsukhan k paon

By Mirza Ghalib

Click Here To Read More Poetry Of Mirza Ghalib

Dekhna Qismat K Ap Apne Pe Rashk A Jaye Hai

Dekhna qismat k ap apne pe rashk a jaye hai
main use dekhun bhala kab mujhse dekha jaye hai

hath dho dil se yahi garmi gar andeshe mein hai
abgina tundi-e-sahaba se pighala jaye hai

gair ko yarab wo kyon kar mana-e-gustakhi kare
gar haya bhi usko ati hai to sharma jaye hai

shauq ko ye lat k hardam nala khenche jaiye
dil k wo halat k dam lene se ghabara jaye hai

dur chashm-e-bad teri bazm-e-tarab se wah wah
nagma ho jata hai wan gar nala mera jaye hai

garche hai tarz-e-tagaful pardadar-e-raz-e-ishq
par ham aise khoye jate hain k wo pa jaye hai

uski bazmaraiyan sunkar dil-e-ranjur yan
misl-e-naqsh-e-mudda-e-gair baitha jaye hai

ho k ashiq wo parirukh aur nazuk ban gaya
rang khulta jaye hai jitna k urata jaye hai

naqsh ko us k musawwir par bhi kya kya naz hai
khenchta hai jis qadar utna hi khinchta jaye hai

saya mera mujhse misl-e-dud bhage hai 'Ghalib'
pas mujh atishba-jan k kis se thahra jaye hai



Want to Read More Poetry Of Mirza Ghalib

Ayam Para Hua Tere Dar Par Nahi Hun Main

"Ayam Para Hua Tere Dar Par Nahi Hun Main"

By Mirza Ghalib

Dayam para hua tere dar par nahi hun main
khak aisi zindagi pe k paththar nahi hun main

kyun gardish-e-mudam se ghabra na jaye dil
insan hun, pyala-o-sagar nahi hun main

yarab! zamana mujh ko mitata hai kis liye
lauh-e-jahan pe harf-e-mukarrar nahi hun main

had chahiye saza mein uqubat k waste
akhir gunahgar hun, kafir nahi hun main

kis waste aziz nahi jante mujhe
lal-o-zumarud-o-zar-o-gauhar nahi hun main

rakhte ho tum qadam meri ankhon se kyun dareg
rutbe mein mahr-o-mah se kamtar nahi hun main

karte ho mujhko mana-e-qadambos kis liye
kya asman k bhi barabar nahi hun main

'Ghalib' wazifakhwar ho, do shah ko dua
wo din gaye ki kahte the "naukar nahi hun main"


Click Here To Read More Poetry of Mirza Ghalib

Dard Minnat Kashe-Dawa Na Hua

Dard minnat kashe-dawa na hua
main na acha hua, bura na hua

jama karte ho kyon raqibon ko
ik tamasha hua gila na hua

ham kahan qismat azmane jayen
tu hi jab khanjar azma na hua

kitne shirin hain tere lab k raqib
galiyan khak bemaza na hua

hai khabar garm un k ane ki
aj hi ghar mein boriya na hua

kya wo namard ki khudai thi
bandagi mein mera bhala na hua

jan di, di hui usi ki thi
haq to yun hai k haq ada na hua

zakhm gar dab gaya lahu na thama
kam gar ruk gaya rawa na hua

rahzani hai k dilsitanee hai
lek dil, dilsitan rawa na hua

kuch to parhiye k log kahte hain
aj 'Ghalib' gazalsara na hua

By Mirza Ghalib



Read More Classical Poets Poetry Stuff Click Here

Chahiye Achon Ko Jitna Chahiye

Chahiye achon ko jitna chahiye
ye agar chahen to phir kya chahiye

sohbat-e-rinda se wajib hai hazar
ja-e-mai apne ko khencha chahiye

chahne ko tere kya samjha tha dil
bare ab is se bhi samjha chahiye

chak mat kar jeb be ayyam-e-gul
kuch udhar ka bhi ishara chahiye

dosti ka parda hai beganagi
munh chupana ham se chora chahiye

dushmani main meri khoya gair ko
kis qadar dushman hai dekha chahiye

apni ruswai main kya chalti hai sai
yar hi hangama ara chahiye

munhasir marne pe ho jis ki umid
naumidi us ki dekha chahiye

gafil in mah talaaton k waste
chahne wala bhi acha chahiye

chahte hain khubruon ko Ghalib
ap ki surat to dekha chahiye


Want To Read More Classical Poetry Mirza Ghalib Click Here

Aarz-e-Niyaz-e-Ishq K Qabil Nahi Raha

Aarz-e-niyaz-e-ishq k qabil nahi raha
jis dil pe naz tha mujhe wo dil nahi raha

jata hun dag-e-hasrat-e-hasti liye hue
hun shamma-e-kushta darkhur-e-mahfil nahi raha

marne ki ai dil aur hi tadbir kar k main
shayan-e-dast-o-bazu-e-qatil nahi raha

ba-ru-e-shash jihat dar-e-ainabaz hai
yan imtiaz-e-nakis-o-qamil nahi rahaa

wa kar diye hain shauq ne band-e-naqab-e-husn
gair az nigah ab koi hail nahi raha

go main raha rahin-e-sitam haye rozgar
lekin tere khayal se gafil nahi raha

dil se hawa-e-kisht-e-wafa mit k wan
hasil siwaye hasrat-e-hasil nahi raha

bedad-e-ishq se nahi darta magar 'Ghalib'
jis dil pe naz tha mujhe wo dil nahi

By Mirza Ghalib

Click Here To Read More

Be-Aitadaliyon Se Subuk Sab Mein Ham Hue

Be-aitadaliyon se subuk sab mein ham hue
jitne ziyada ho gaye utne hi kam hue

pinhan tha dam sakht qarib ashiyan k
urne na paye the k giraftar ham hue

hasti hamari apni fana par dalil hai
yan tak mite k ap ham apni qasam hue

sakhtikashan-e-ishq ki puche hai kya khabar
wo log rafta-rafta sarapa alam hue

teri wafa se kya ho talafi ki dahar mein
tere siwa bhi ham pe bahut se sitam hue

likhte rahe junun ki hikayat-e-khunchakan
harchand is mein hath hamare qalam hue

Allah re! teri tundi-e-khu jis k bim se
azza-e-nala dil mein mere rizqe-ham hue

ahal-e-hawas ki fatah hai tark-e-nabard-e-ishq
jo panw uth gaye wo hi un k alam hue

nal-e-adam mein chand hamare supurd the
jo wan na khinch sake so wo yan aa k dam hue

chori 'Ghalib' na ham ne gadai mein dillagi
sail hue to ashiq-e-ahal-e-karam hue


Click Here To Read More Classical Poetry Of Mirza Ghalib

Aamad-e-khat se hua hai sard jo bazar-e-dost

Aamad-e-khat se hua hai sard jo bazar-e-dost
dud-e-shama-e-kushta tha shayad khat-e-rukhsar-e-dost

ai dil na aqabat andesh zabt-e-shauq kar
kaun la sakta hai tab-e-jalwa-e-didar-e-dost

khana wiransazi-e-hairat tamasha kijiye
surat-e-naqsh-e-qadam hun rafta-e-raftar-e-dost

ishq main bedad-e-rashq-e-gair ne mara mujhe
kushta-e-dushman hun akhir garche tha bimar-e-dost

chashm-e-may raushan k us bedard ka dil shad hai
dida-e-pur-khun hamara sagar-e-sar-shar-e-dost



Read More Classical Poets Poetry Stuff Click Here

Bazicha-e-atfal hai duniya mere age

Bazicha-e-atfal hai duniya mere age
hota hai shab-o-roz tamasha mere age

ik khel hai aurang-e-suleman mere nazdik
ik bat hai ejaz-e-masiha mere age

juz nam nahi surat-e-alam mujhe manzur
juz waham nahi hasti-e-ashiya mere age

hota hai nihan gard mein sehra mere hote
ghista hai jabin khak pe dariya mere age

mat puch k kya hal hai mera tere piche
tu dekh k kya rang hai tera mere age

sach kahte ho khudbin-o-khudara hun na kyon hun
baitha hai but-e-aina sima mere age

phir dekhiye andaz-e-gulafshani-e-guftar
rakh de koi paimana-e-sahba mere age

nafrat ka guman guzre hai main rashk se guzra
kyon kar kahun lo nam na us ka mere age

iman mujhe rok hai jo khinche hai mujhe kufr
kaba mere piche hai kalisa mere age

ashiq hun pe mashuqfarebi hai mera kam
majnun ko bura kahti hai laila mere age

khush hote hain par wasl mein yun mar nahi jate
ai shab-e-hijaran ki tamanna mere age

hai maujzan ik qulzum-e-khun kash! yahi ho
ata hai abhi dekhiye kya-kya mere age

go hath ko jumbish nahi ankhon mein to dam hai
rahne do abhi sagar-o-mina mere age

hampesha-o-hammasharab-o-hamraz hai mera
'ghalib' ko bura kyon kaho acha mere age


Read More Classical Poets Poetry Stuff Click Here

Bas k dushwar hai har kam ka asan hona

Bas k dushwar hai har kam ka asan hona
admi ko bhi mayassar nahi insan hona

giriya chahe hai kharabi mere kashane ki
dar-o-diwar se tapak hai bayaban hona

wa-e-diwangi-e-shauq k har dam mujh ko
ap jana udhar aur ap hi hairan hona

jalwa azbas k taqaza-e-nigah karta hai
jauhar-e-aina bhi chahe hai mizagan hona

ishrat-e-qatlgah-e-ahal-e-tamanna mat puch
id-e-nazzara hai shamshir ka uriyan hona

le gaye khak mein ham dag-e-tamanna-e-nishat
tu ho aur ap basadrang-e-gulistan hona

ishrat-e-para-e-dil, zakhm-e-tamannakhana
lazzat-e-rish-e-jigar garq-e-namakdan hona

ki mere qatl k bad us ne jafa se tauba
haye us zodpasheman ka pasheman hona

haif us char girah kapre ki qismat 'ghalib'
jis ki qismat mein ho ashiq ka gareban hona



Read More Classical Poets Poetry Stuff Click Here

Bahot sahi gam-e-geti sharab kam kya hai

Bahot sahi gam-e-geti sharab kam kya hai
gulam-e-saqi-e-kausar hun mujhko gam kya hai

tumhari tarz-o-rawish jante hain ham kya hai
raqib par hai agar lutf to sitam kya hai

sukhan mein khama-e-Galib ki atashfashani
yaqin hai hamko bhi lekin ab us mein dam kya hai




Read More Classical Poets Poetry Stuff Click Here

Aina kyun na dun k tamasha kahen jise

Aina kyun na dun k tamasha kahen jise
aisa kahan se laun k tujhsa kahen jise

hasrat ne la rakha teri bazm-e-khayal mein
guldasta-e-nigah suweda kahen jise

phunka hai kisne goshe muhabbat mein ai Khuda
afsun-e-intazar tamanna kahen jise

sar par hujum-e-dard-e-garibi se daliye
wo ek musht-e-khak k sahra kahen jise

hai chashm-e-tar mein hasrat-e-didar se nihan
shauq-e-inan gusekhta dariya kahen jise

darkar hai shiguftan-e-gul haye aish ko
subh-e-bahar panba-e-mina kahen jise

"ghalib" bura na man jo waiz bura kahe
aisa bhi koi hai k sab acha kahen jise


Read More Classical Poets Poetry Stuff Click Here

Aah ko chahiye ik umr asar hone tak

Aah ko chahiye ik umr asar hone tak
kaun jita hai teri zulf k sar hone tak

dam har mauj mein hai halqa-e-sadkam-e-nahang
dekhen kya guzare hai qatre pe gauhar hone tak

ashiqi sabr-talab aur tamanna betab
dil ka kya rang karun khun-e-jigar hone tak

ham ne mana k taaful na karoge lekin
khak ho jayenge ham tum ko khabar hone tak


Read More Classical Poets Poetry Stuff Click Here

Aa ki meri jan mein qarar nahi hai

Aa ki meri jan mein qarar nahi hai
taqat-e-bedad-e-intazar nahi hai

dete hain jannat hayat-e-dahar ke badle
nasha ba andaza-e-Khumar nahi hai

giriya nikle hai teri bazm se mujh ko
haye! k rone pe ikhtiyar nahi hai

ham se abas hai guman-e-ranjish-e-khatir
khak mein ushshaq ki gubar nahi hai

dil se utha lutf-e-jalwa haye mani
gair-e-gul aina-e-bahar nahi hai

qatl ka mere kiya hai ahad to bare
waye! agar ahad ustawar nahi hai

tu ne qasam maikashi ki khai hai 'Ghalib'
teri qasm ka kuch aitabar nahi hai


Read More Classical Poets Poetry Stuff Click Here

Tere Ishq Ki Intaha Chahta Hun

Sir Muhammad Iqbal was a Persian and Urdu Language Poet and Iqbal's poetic works is superb i have compiled some classical and sentimental poetry from his fabulous poetry collection, below is some fine words of Allama Iqbal Poetry.

Tere ishq ki intaha chahta hun
meri sadgi dekh kya chahta hun

sitam ho k ho wada-e-behijabi
koi bat sabr-azma chahta hun

ye jannat mubarak rahe zahidon ko
k main ap ka samna chahta hun

koi dam ka mehman hun ai ahl-e-mahfil
chirag-e-sahar hun, bujha chahta hun

bhari bazm mein raz ki bat kah di
bara be-adab hun, saza chahta hun


Poetry By: Allama Iqbal

Utho Meri Dunya K Garibon Ko Jaga Do

Classical Poetry by Allama Iqbal

Utho meri dunya k garibon ko jaga do
khak-e-umra k dar-o-diwar hila do

garmao gulamon ka lahu soz-e-yaqin se
kunjishk-e-phiromaya ko shahin se lara do

sultani-e-jamahur ka ata hai zamana
jo naqsh-e-kuhan tum ko nazar aye mita do

jis khet se dahqan ko mayassar nahin rozi
us khet k har khosha-e-gandum ko jala do

kyon khaliq-o-makhluq mein hayal rahen parde
piran-e-kalisa ko kalisa se hata do

main nakhush-o-bezar hun marmar k silon se
mere liye mitti ka haram aur bana do

tahazib-e-nawin kargah-e-shishagaran hai
adab-e-junun shayr-e-mashriq ko sikha do


Click Here If U Want to Read More Allama Iqbal's Poetry