Tumhara Naam Likhnay Ki Ijazat Chin Gayi Jab Se........ By Wasih Shah

Tumhara Naam Likhnay Ki Ijazat Chin Gayi Jab Se
koi bhi lafz likhta hon tou aankhain bheeg jati hain

Hazaron mausmon ki hukmarani hae meray dil par
Wasih main jab bhi tanhha hon tou aankhain bheeg jati hain


Classical Words By Wasih Shah.......

Click Here and Read More Wasih Shah Poetry

Dil Udaas Hai Bahut Koyi Paigaam Hi Likh Do

Dil Udaas Hai Bahut Koyi Paigaam Hi Likh Do
Tum Apna Naam Na Likho, Gum-Naam Hi Likh Do

Meri Qismat Mein Gham-E-Tanhayi Hai Lekin
Tamaam Umr Na Likho Magar Ek Shaam Hi Likh Do

Zuroori Nahi Ki Mil Jaaye Sukoon Har Kisi Ko
Sare-E-Bazm Na Aao Magar Benaam Hi Likh Do

Ye Jaanta Hoon Ki Umr Bhar Tanha Mujhko Rehna Hai
Magar Pal Do Pal, Ghadi Do Ghadi, Mere Naam Hi Likh Do

Chalo Hum Maan Lete Hai Ke Sazaa Ke Mustahiq Thahre Hum
Koyi Enaam Na Likho Koyi Ilzaam Hi Likh Do

Want To Read More Classical and Sad Poetry Click Here

Rut Jo Badli To Badalte Dekha Usko

"Rut Jo Badli To Badalte Dekha Usko"


Rut Jo Badli To Badalte Dekha Usko
Moom ki tarha pighaltey hoe dekha us ko,,,,

Wo jo kaanton se b narmi se chhua karta tha,,,
Hum ne phoolon ko masaltey hoe dekha us ko,,,

Janey kis gham ko chupaney ki tamanna hai usey,,,
Aj har baat pe hanstey hoey dekha us ko,,,,

Jaaney wo duaon me mangna chahta hai kisey,,,
Haath uthaatey hi sisaktey hoe dekha us ko


Click Here And Read More These Types Of Sad Poetry

Jo Is Shor Se 'Mir' Rota Rahega

"Jo Is Shor Se 'Mir' Rota Rahega"
By Meer Taqi Meer

Jo is shor se 'Mir' rota rahega
to ham-saya kahe ko sota rahega

main wo ronewala jahan se chala hun
jise abr har sal rota rahega

mujhe kam rone se hardam hai nasih
tu kab tak mere munh ko dhota rahega

base giriya ankhen teri kya nahin hain
jahan ko kahan tak dubota rahega

mere dil ne wo nala paida kiya hai
jaras k bhi jo hosh khota rahega

tu yun galiyan gair ko shauq se de
hamain kuch kahega to hota rahega

bas ae 'Mir' mizhgan se ponch ansuon ko
tu kab tak ye moti pirota rahega


Click Here to Read More Meer Taqi Meer Poetry

Koi Halat Nahe Yae Halat Hay

John Elia, a great poet he cannot wrote too many books or poetry but his few written books of poetry is a fabulous just like below one poetry retrieve in his collection.

Koi Halat Nahi By:John Elia


Koi Halat Nahe Yae Halat Hay
Yae Tho Aashoob naak Surat Hay

Anjuman Main Yae Meri Khamoshe
Burd Baari Nahe Hay Wehshat Hay

Tanz Perayae Tabas-sum Main
ISs Takalluf Ki Kia Zarurat hay

Tujse Yae Gah Gah Ka Shikwa
Jub Talak Hay basa Ghanimat Hay

Garam Joshe Aur ISs Qadar Kia baat!
Kia Tumhain Mujse Kuch Shekayat hay

Tu be Aay Shakhs Kia karay Aakhir
Muj Ko Sar Pootnay Ki Adath hay

Ab Nikal Aao Apne Andar Se
Ghar Main Samaan Ki Zarurat hay

Hum Ne jana Tho Hum Ne yae jana
Jo Nahe Hay Wo Khoobsurat Hay

Khuwahishain Dil Ka Saath Saath Chor Gayeen
Yae Aziyat bari Aziyat Hay

Log masroof Jantay Hay Mujay
Yaan Mera Gham He Meri Fursat hay

Aaj Ka Din Be Aish Se Guzra
Sar Se Pa Thak Badan Salamat hay

Ji hei ji mein woh jal rahi hogi,

Ji hei ji mein woh jal rahi hogi
By John Elia

Ji hei ji mein woh jal rahi hogi,
chandni mein tahel rahi hogi.

chand ne taan li hai chadar-e-abr
ab woh kapre badal rahi hogi.

surkh aur sabz waadion ki taraf
woh mere saath chal rahi hogi .

charhte charhte kisi pahari per
ab woh karwat badal rahi hogi

perh ki chaal se ragarh kha kar
woh tane se phisal rahi hogi

ho k woh khawab-e-aish se bedaar
kitni hei dair shal rahi hogi.

John Elia Poetry

John Elia Poetry: Mer chuka hai dil, mager zinda hoon

Mer chuka hai dil, mager zinda hoon
zeher jaisi kuch dawaein chahyein..

poochti hain aap, aap ache to hain..
jee main acha hoon,duaein chahyein

John Elia Poetry

Eh pehum talkh klami si rahi kia

Eh pehum talkh klami si rahi kia
mohabt zeher kha ker ai thi kia ?

muje ab tm se der lagne laga hai
tmhein muj se mohabt ho gai kia?

shikast-e-aetmad-e-zaat k waqt..
qayyamat aa rahi thi, aa gai kia..?

muje shikwa nahi,bus pochna hai
ye tm hansti ho apni hi hansi kia?

humein shikwa nahi aik dosre se...
manana chahie is per khushi kia...?

pade hain ik goshe main guma'n k
bhala hum kia,humari zindagi kia..?

main ab her shakhs se ukta chuka ho
fakt kuch dost hain ,or dost bhi kia..?

John Elia Poetry

Tum jab aao gi to khoya hua paao gi mujhey...

Tum Jab Aoo Gi To Khoya Howa Paao Gi Mughay


Tum jab aao gi to khoya hua paao gi mujhey...
Meri tanhaayi mein khwaabon ke siwwa kuch bhi nahi

Meray kamray ko sajaanay ki tamannaa hai tumehin...
Meray kamray mein kitaabon ke siwa kuch bhi nahi

In kitaabon ne barra zulm kiya hai mujh par...
In mein ik rimz hai, jis rimz ka maara hua zehen...

Muzda-e-Ishrat-e-Anjaam nahi paa skata...
Zindagi mein kabhi aaram nahi paa sakta.....



John Elia Poetry

John Elia Poetry

Here is the one of the my favorite heart touching words by John Elia

Charah Saazon Ki charah saazi se
Dard badnaam Tho nahe Hoga

Ha, dawa do magar yae batla do
Muje Aaraam Tho Nahe Hoga




John Elia Poetry

Haalat-e-Haal Ke Sabab, Haalat-e-Haal Hii Gayii

John Elia's one of the best Poetry


haalat-e-haal kay sabab haalat-e-haal hi gaii
shouq meiN kuchh nahiN gaya shauq ki zindagii gaii

tera firaaq jaan-e-jaaN aish tha kya meray liye
yaani teray firaaq meiN khoob sharaab pii gaii

teray wisaal kay liye apnay kamaal kay liye
haalat-e-dil keh thi kharab aur kharab ki gaii

aik hi hadisa to hai aur woh yeh keh aaj tak
baat nahiN kahi gaii baat nahin sunii gaii

baad bhi teray jaan-e-jaaN dil meiN raha ajab samaaN
yaad rahi teri yahaN phir teri yaad bhii gaii

us kay badan ko dii namood hum ne sukhan meiN aur phir
us kay badan kay waastay aik qabaa bhi sii gaii

sehn-e-khayal-e-yaar meiN ki na basar shab-e-firaaq
jab say woh chandna gaya jab say woh chandni gaii

nasha-e-shauq-e-rang meiN tujh say judaai ki gaii
aik lakeer khoon ki beech meiN kheench di gaii

thi jo kabhi sar-e-sukhan meri woh khaamoshi gaii
haaye kahan sunan ki baat, haaye woh bat hi gaii

shauq ki aik umr meiN kaisay badal sakayga dil
nabz-e-junoon hi to thi sheher meiN Doobti gaii

us ki galii se uTh kay maiN aan paRa tha apnay ghar
aik galii ki baat thi aur gali gali gaii

us ki umeed-e-naaz ka hum say yeh maan tha kay aap
umr guzaar dijiye umr guzaar di gaii

daur ba daur, dil ba dil, dard ba dard, dam ba damm
teray yahaN ri´ayat-e-haal nahiN rakhi gaii

jaun junoob-e-zard kay khaak basar yeh dukh uThha
mauj-e-shmial-e-sabz-e-jaaN aai thi aur chali gaii

kya woh gumaaN nahiN raha? haan woh gumaN nahin raha
kya woh umeed bhi gaii? haan woh umeed bhi gaii

baat koi umeed ki mujh say nahiN kahi gaii
so meray khwab bhi gaye, so meri neend bhi gaii

jaaniye kya talaash thi jaun meray wujood meiN
jis ko maiN DhoonDta gaya, jo mujhay DhoonDti gaii

aik khushi ka haal hai khush-sukhanaN kay darmyaaN
izaat-e-shaaiqeen-e-gham thi jo rahi sahi gaii

jab maiN tha shehr-e-zaat ka tha mera har nafas azaab
phir maiN wahaN ka tha jahaN haalat-e-zaat bhi gaii

tum nay bohot sharaab pii is ka sabhi ko dukh hai jaun
aur jo dukh hai woh yeh hai tum ko sharaab pii gaii

jaan teray firaaq meiN shaam say shab jo ki gaii
khuub sharaab pii gaii aur kharaab pii gaii

shikwa jo hai to is ka hai shikwa nahiN kiya gaya
ranj jo hai to is ka hai baat faqat sahi gaii

sood-o-zayaaN to khair kya in ki tameez hai ajab
waisay isi tameez meiN apni to zindagi gaii

jis ka surood-e-roshni mehfil-e-shab faroz tha
us dil-e-daagh zaar say apni hi roshni gaii



Read More Classical John Elia' Poetry CLICK HERE

Shouq ka rang bujh gaya yaad ke zakhm bhar gaye

Shouq Ka Rang Gaya Yaad Ke Zakham Bhar Gaye:



Shouq ka rang bujh gaya yaad ke zakhm bhar gaye
kia meri fasl ho chuki kia mere din guzar gaye?

rehguzar-e-khayal main doush badoush thay jo loug
waqt ki gard baad main jane kahan bikhar gaye

hum bhi hijab dar hijab chup na sake,magar rahay
woh bhi "hujoom" dar "hujoom" reh na sake,magar gaye

sham hai kitni be tapaak,shehr hai kitna "sehm" naak
ham nafaso kahan ho tum?jane yeh sab kidhar gaye?

AAJ KI RAAT HAI AJEEB KOI NAHIN MERE QAREEB
AAJ SAB APNE GHAR RAHE,AAJ SAB APNE GHAR GAYE

MAIN TO SAFOON KE DARMIYAN KAB SE PARA HOON NEEM JAAN
MERE TAMAM JANNISAR MERE LIYE TO MAR GAYE

AAP MAIN JOUN ELIA AB DHARA HAI KIA
AAP BHI AB SUDAHRIYE AAP KE CHARAH GAR GAYE

John Elia Poetry

Tum haqiqat nahi ho hasrat ho...............

Here is Some Classical Poetry of John Elia

Tum haqiqat nahi ho hasrat ho,
jo miley khwaab main vo daulat ho.

main tumharey hi dum sey zindaa hoon,
mar hi jaoun jo tumsey fursat ho.

tum ho kushboo key khwaab ki khushbu,
aur itnee hi be-murawat ho.

kis tarah choodh dun tumhey jaana,
tum meri zindagi ki aadat ho.

kis liyen daikhti hoo aainaa,
tum tou khud sey bhi khobsurat ho.

dastaan khatm honey waali hai,
tum meri aakhri mohabbat ho.

John Elia Poetry

Barish Hui To Phulon K Tan Chak Ho Gaye

Barish hui to phulon k tan chak ho gaye
mausam k hath bhig k saffak ho gaye

badal ko kya khabar k barish ki chah main
kitne buland-o-bala shajar khak ho gaye

jugnu ko din k waqt pakarne ki zid karen
bache hamare ahad k chalak ho gaye

lahra rahi hai barf k chadar hata k ghas
suraj ki shah pe tinak bhi bebak ho gaye

suraj dimag log bhi iblag-e-fikr main
zulf-e-shab-e-firaq k pechak ho gaye

jab bhi garib-e-shahar se kuch guftagu hui
lahaje hawa-e-sham k namnak ho gaye

sahil pe jitne abguzida the sab k sab
dariya k rukh badalte hi tairak ho gaye

By Parveen Shakir

Dil Mera Soz-e-Nihan Se Bemuhaba Jal Gaya

Dil mera soz-e-nihan se bemuhaba jal gaya
atish-e-khamosh k manind goya jal gaya

dil mein zauq-e-wasl-o-yad-e-yar tak baki nahi
ag is ghar mein lagi aisi k jo tha jal gaya

main adam se bhi pare hun warna gafil! barha
meri ah-e-atshin se bal-e-anqa jal gaya

arz kije jauhar-e-andesha ki garmi kahan
kuch khayal aya tha wehshat ka k sehra jal gaya

dil nahi, tujh ko dikhta warna dagon ki bahar
is charagan ka, karun kya, karfarma jal gaya

main hun aur afsurdagi ki arazu "Ghalib"! k dil
dekh kar tarz-e-tapak-e-ahl-e-duniya jal gaya


Sad Poetry of Mirza Ghalib If U Want to Read More Classical Poetry of Mirza Ghalib Click Here

Dard Minnat Kashe-Dawa Na Hua

Dard minnat kashe-dawa na hua
main na acha hua, bura na hua

jama karte ho kyon raqibon ko
ik tamasha hua gila na hua

ham kahan qismat azmane jayen
tu hi jab khanjar azma na hua

kitne shirin hain tere lab k raqib
galiyan khak bemaza na hua

hai khabar garm un k ane ki
aj hi ghar mein boriya na hua

kya wo namard ki khudai thi
bandagi mein mera bhala na hua

jan di, di hui usi ki thi
haq to yun hai k haq ada na hua

zakhm gar dab gaya lahu na thama
kam gar ruk gaya rawa na hua

rahzani hai k dilsitanee hai
lek dil, dilsitan rawa na hua

kuch to parhiye k log kahte hain
aj 'Ghalib' gazalsara na hua

By Mirza Ghalib



Read More Classical Poets Poetry Stuff Click Here

Is Dafa To Barishein Rukti Nahi

Is Dafa To Barishein Rukti Nahin Faraz

Hum Ne Ansu Kia Piye K Saray Mosam Ro Paray

By Ahmed Faraz

By: Ahmed Faraz

Aaj wo bhi ro para meri bebasi dekh kar" Faraz"

Qasam jis ne khai thi mujhay barbad karnay ki...



Read More Poetry of Ahmed Faraz Click Here

Har Waqt Rulata Hai Mughay Had Say Zayada

Har waqt rulata hai mujhay had se zayada "Mohsin"

Main jis ko tassawur mein bhi ronay nahi deta

Wo Itna Meharban Tha K Hazaro Ghum De Gaya

Wo kitna meharban tha k hazaron ghum de gaya Faraz'

hum kine khud gharz nikle kuch na de sake pyar k siwa...




Click Here for More Poetry Stuff of Ahmed Faraz