Ajb Ik Shor Sa Bapa Hai Kahin

"Ajb Ik Shor Sa Bapa Hai Kahin"

By John Elia


Ajb Ik Shor Sa Bapa Hai Kahin,
Koi Khamosh Ho Gaya Hai Kahin,

Hai Kuch Aisa K Jaise Ye Sab Kuch,
Ab Se Pehle Bhi Ho Chuka Hai Kahin,

Jo Yahan Se Kahin Na Jata Tha,
Wo Yahan Se Chala Gaya Hai Kahin,

Tujh Ko Kiya Ho Gaya K Chezon Ko ,
Kahin Rakhta Hai Dhondhta Hai Kahin,

Tu Mujhe Dhondh Main Tujhe Dhondhon,
Koi Hum Main Se Reh Gaya Hai Kahin,

Ise Kamre Se Ho K Koi Wida,
Ise Kamre Main Chup Gaya Hai Kahin




Click Here For More John Elia Poetry

Aa Gayi Yaad Shaam Dhale Hi

On the second day of Jashn-e-Ghulam Ali, here is a beautiful Ghazal of Munir Niazi sung by Ghulam Ali.

"Aa Gayi Yaad Shaam Dhale Hi"


Aa Gayi Yaad Shaam Dhale Hi
bujh gayaa dil chiraaGh jalte hii

khul gaye shahr-e-Gham ke darvaaze
ek zaraa sii havaa ke chalte hii

(shahr-e-Gham : city of sufferings)

kaun thaa tuu ke phir na dekhaa tujhe
miT gayaa Khvaab aaNkh malte hii

tuu bhii jaise badal saa jaataa hai
aks-e-diivaar ke badalte hii

(aks-e-diivaar : reflection of the wall)


Classical Poetry of Munir Niazi Click Here And Read More Classical Urdu Ghazals

Shab-E-Tanhai Mein Sitaron Ka Libada Orrhey

"Shab-E-Tanhai Mein Sitaron Ka Libada Orrhey"

Shab-E-Tanhai Mein Sitaron Ka Libada Orrhey
Teri Yaadon Ke Jugnoo Say Chamakney Lagtey Hain
Aur Dil Pay Cha Jata Hai Khud Fareibi Ka Aisa Aalam
Ke Har Taraf Teri Hi Aamad Ka Samaan Hota Hai
Jaisey Kisi Aawaaz Ke Dhokey Mein Koi Murr Kar Daikhey
Jaisey Sehra Mein Sarabon Ka Gumaan Hota Hai

Shab-E-Tanhai Mein Dil Ke Nehaan Khanon Par
Guzrey Lamhon Ki Shabnam Si Parrney Lagti Hai
Aur Mairey Hawaas Pay Tu Ho Jaati Hai Qaabiz Aisey
Ke Nazar Be-sakhta Nekalti Hai Justajuu Mein Teri
Jaisey Chand Kisi Ko Dhoondney Ke Liye Nikalta Hai
Jaisey Koi Bacha Kisi Khiloney Ke Liye Machalta Hai

Shab-E-Tanhai Mein Be-chainiyon Ke Aalam Mei
Dil Apney Aap Say Hi Baar Baar Ulajhta Hai
Aur Aziatein Iss Tarah Ho Jaati Hain Gaalib Mujh Par
Ke Dard Ka Toofaan Har Rag Meib Dorr Jata Hai
Jaisey Mojein Saahilon Ki Haddein Torr Deti Hain
Jasey Dharrkanein Dilon Ka Saath Chorr Deti HaiN

Shab-E-Tatnhai Mein Aadat Teri Khushboo-on Ki
Dil-E-Nakaam Ko Kuch Aur Sataney Lagti Hain
Tab Dhoodney Lagta Hoon Main Har Soo Aanchal Tera
Aur Be-qaraari Mein Yoon Rahat Si Milney Lagti Hai
Jaisey Koi Muflis Zar Ke Khuwab Say Behal Jata Hai
Jaisey Koi Marney Say Pehley Zara Dair Ko Sambhal Jata Hai

Shab-E-Tanhai Mein Mosam Teri Rafaqat Ke
Gup Andhairon Mei Ujaley Say Bakhair Detey Hain
Gham-E-Firaaq Ki Chadar Ko Cheer Detey Hain
Aur Dil Ikk Lamhey Ko Ho Jata Hai Shadab Aisey
Jaisey Chaand Ka Aks Kisi Jheel Mein Utar Jata Hai
Jaisey Koi Sookha Pair Sabz Paton Say Bhar Jata Hai

Shab-E-Tanhai Mein Mehak Terey Khayalon Ki
Mairey Tasawur Ka Tawaaf Sa Karney Lagti Hai
Tab Phir Say Khilti Hain Umangon Ki Laakhon Kaliyan
Aur Fasl-E-Gul Ki Ye Aamad Aisey Lagti Hai
Jaisey Kisi Dil-ruba Ki Aankh Mein Iqraar Ka Zahoor

Click Here And Read More These Type of Urdu Ghazals

Yehi Gar Zid Tumhari Hai

Yehi gar zid tumhari hai
Chalo Hum Bhool Jaatey Hain!
Sabhi Waadey, Sabhi Qasmain
Mohabbat Ki Sabhi Rasmain
Nahi, Manzoor Jo Tum Ko
Karain Ranjoor Jo Tum Ko
Tumhaari Shaad-Maani Hi, Azeez-Az-Jaan Hey Jab To
Tumhain Phir Tokna Kesa?
Zyaan, Sood Ki Baabat, Bhala Phir Sochna Kaesa
Chalo Hum Bhool Jaatey Hain..!
Mohabbat Ki Riyazat Main
Wafaaon Ki Musaafat Main
Qadam Kis Ke Kahaan Behkey, Hui Kis Sey Kahaan Larzish
Basaa Di Jis Ney Ik Pal Main, Humaari Aankhon Main Baarish
Ke Jis Ki Tez Boondon Ney
Kisi Tezaab Ki Soorat
Nishaan-E-Manzil-E-Dil Hi, Jala Dala Mita Dala
Magar Jaanan
Kahaan Aasan Hota Hey?
Jigar Ka Khoon Ashkon Mein, Badalna Aur Bahaa Dena
Khas-O-Khashaak Chun Chun Kar
Gharonda Ik Banana Aur…Ussi Ko Phir Jala Dena
Jawaan Sapnon Ki Laashon Ko
Daroon-E-Jaan Chuhpaa Kar…Muskura Dena
Khizaa'ein Paalna Khud Mein, Bahaar'ein Baant'tey Phirna
Kahaan Aasaan Hota Hey..?
Buhat Mumkin Hey Hum Bhi Haar Hi Jaaein
Jawaan Hey Zabt Jo Ab Tak

Muqaabil Ghum Ke Aaey..Aur Dhaey Jaaey
Aur Iss Mein Bhii Taa’ajub Kiyaa?
Tumhaarey Lout Aaney Ki..Bachi Ho Aas Jo Koi
Nawaaey Be-Zubaan Ban Kar
Sisak Kar Phir Sey Utthey Aur..Tum Tak Bhi Puhanch Jaaey
So Tum Sey Ye Guzaarish Hey
Tab Ik Ehsaan Tum Karna
Palat Kar Dekhna Yuun Sard Nazron Sey
Ke Jo Bhii Aas Zinda Ho..
Ussey Yak-Sar Mita Dena
Humein Pathar Bana Dena !!!

Click Here And Read More These Type of Urdu Ghazals

Tujh Se Bichad Ke Hum Bhi Muqaddar Ke Ho Gaye

Tujh se bichad ke hum bhi muqaddar ke ho gaye
Phir jou bhi dar mila usi dar ke hou gaye


Aey yaad e yaar tujh se karein kya shikayatein
Aye dard e hijr hum bhi tu pathar ke hou gaye


Samjha rahey the mujhko sabhi naasehan e shehar
Phir rafta rafta khud usi kaafir ke hou gaye


Rotey hou ek jazeera e jaan ko Faraz Tum
Dekho tu kitney shehar samandar ke hou gaye

By Ahmed Faraz


Click Here And Read More Urdu Poetry And Ghazals

Main Saahil Pey Likhi Hoee Ibaarat Nahee

Main saahil pey likhee hoee ibaarat nahee
Jo lehron se mit jaati hay
Main baarish ki barasti boond nahee
Jo baras ker tham jaati hay
Main khwab nahee
Jisey dekha aur bhula dya
Main shama nahee
Jisey phoonka aur bujha dya
Main hawa ka jhonka nahee
Jo aaya aur guzar gaya
Main chand bhi nahee
Jo raat k baad dhal jaye
Main to woh ahsaas hoon
Jo tujh main lahoo ban ker gardish karay
Main to woh rang hoon
Jo teray dil pay charay to kabhi na mitay
Main woh geet hoon
Jo teray labon se juda na hoga
Main to woh parwaana hoon
Jo jalta rahayga magar fana na hoga
Khwab,ibaarat,hawa ki tarah
Chand,boond,shama ki tarah
Meray mitnay ka sawaal nahee
Kyunkay MÄÏN TÖ MÖHÄßßÄT HÖÖN

Aur Mohabbat Koi Zawaal Nahee


Want to Read More These Types of Classical Poetry And Ghazals Click Here

Kahin Aarzo-e-Safar Nahe, Kahin Manzilon Ko Khabar Nahe

Kahin Aarzo-e-Safar Nahe, Kahin Manzilon Ko Khabar Nahe
Kahin Raasta He Andher Hai, Kahin Paa Nahe Kahin Par Nahe

Mujhy Izteraab Ki Chaah Thi, Mujhy Be_Kali Ki Talaash Thi
Un he Khwahishaat K Jurm Mein Koi Ghar Nahe, Koi Dar Nahe

Koi Chaand Tootay Ya Dil Jalay Ya Zameen Kahin Say Ubal Parray
Hum Aaseer Surat-e-Haal Hain, Humein Hadsaat Ka Dar Nahe

Aye Hawa-e-Ghum Zara Meray Saath Reh, Meray Saath Chal
Meray Saath Meray Qadam Nahe Meray Saath Meri Nazar Nahe

Ye Umar Bhar Ki Riazatein, Ye Nagar Nagar Ki Musafatein
Ye Rog Hain Mah-o-Saal K, Ye Gardishein Hain Safar Nahe... .


Click Here And Read More Urdu Ghazals

Tum Kia Badlay

Tum kiya baddley waqt hi baddal giya
raqeeb chaal apni phir essi chal giya

Yeh tu ik roz hona hi tha jo sath mere hoa
mein samjh rah tha abke waqt bura tal giya

Uss ki annaa hi uss ko le doobi akher kaar
rassi jall gai phir bhi yaaro nah bal giya

Socha tha ab nah kabhi hum millein gay usse
aey woh saamne tu millne ko dil machal giya

Humraaz humara uska bhi bahi khawah nikla
hum se mill kar woh seedha uski mehfal giya

Garcheh aane ka wahda kiya tha usne magar
aaj ka din bhi uski rah takte takte dhal giya

Baat karne ke anaz se unke yaqeen ho chala tha
keh akher kaar hum ko ghohr-e-maqsood mil giya

Lakeer ko kab tak peet te rhein hum Annush
dass kar saanp tu hamein door kahein nikal giya.

Read More Sad Poetry

Ghazal

Waqt ki sitam kashi ye bhi baraha dekhi
Jab hua diya roshan sir phiri hawa dekhi

Dosti ka ghairo se ho gaya yaqeen mujhko
Munharif jo mein ne bhi chasm-e-aashna deekhi

Rakh di tu ne murjha ker sab nishat ki kaliyan
Teri ye inayat bhi hum ne e saba dekhi

Jo nazar ke aage hai kya woh nazar ka dhoka hai?
Her baqa ke peeche se humne jhankti fana dekhi

Hum liye wafa aazaar un ke paas pohnche jab
Aashnai ke parde mein,berukhi rava dekhi ...!!!!

Ghazal

Jo Dil ko Be'kal Rakhta Hai, Wo Chand Nahi Ik Chehra Hai
Jo Sham-o-Sahar TaRpata Hai, Wo Phool Aisa Lehja Hai

Ik Aahat Hai, Har Raste Par, Ik Dard Sa Hai, Manzil Manzil
Kya Jaaniye Qis Khoj Ma Hai, Kya Kehiye Kon Akaila Hai

Jin Shaakhon Par Kuch Phool Khile The, Chaahat Ke So Rang liye
Un Shaakhon Par Ab Kuch Bhi Nahi, Ik Shookha Patta Thehra Hai

Kitne Hi Waade Khwaab Huye, Kitne Hi Bandhan Toot Gaye
Aye Dil, Aye Dil, Be'Taab Na ho, Ye Duniya Hai Ye Duniya Hai

Lot Aye Jaane Waale To Ye Samjho DiL ki Jeet Hui
Warna to Akaili Raahon Par Kab Lot Ke Koi Aata Hai

Us Paikar-E-Naz ko Kon Kahe, Ik Khwaab Hai Jaagti Aankhon Ka
Wo Aankhein kya Kuch Kehti Hain, Ab Kon Kahe Sab Dhoka Hai

Dosto

Tum bhi Khafaa ho log bhi beraham hain dosto..
ab ho chalaa yaqein ke bure ham hain dosto...

kis ko hamaare haal se nisbat hai kyaa karein...
aankhein to dushmanoun ki bhi pur_nam hain dosto...

apane sivaa hamaare na hone kaa Gam kise....
apani talaash mein to ham hi ham hain dosto....

kuchh aaj shaam hii se hai dil bhii bujhaa bujhaa....
kuchh shahar ke chiraaG bhi maddham hain dosto....

is shahar-e-aarazuu se bhi baahar nikal chalo....
ab dil ki raunaqein bhi koi dam hain dosto.....

sab kuchh sahi 'Faraz' par itanaa zaruur hai...
duniyaa main aise log bahut kam hain dosto....

Kehna Tha

Woh Kuch Suntaa To Main Kehta, Mujhy Kuch Aur Kehna Tha
Woh Pal Bhar Ko Jo Ruk Jaata, Mujhy Kuch Aur Kehna Tha

Ghalat Fehmi Ny Baaton Ko Barhaa Daala Younhi Warna
Kaha Kuch Tha, Woh Kuch Samjha, Mujhy Kuch Aur Kehna Tha

Kamaai Zindagi Bhar Ki Ussi K Naam Kyun Kar Di
Mujhy Kuch Aur Karna Tha, Mujhy Kuch Aur Khena Tha

Kahan Uss Ny Suni, Meri Suni Bhi An-Suni Kar Di
Ussay Maloom Tha Itna, Mujhy Kuch Aur Kehna Tha

Mery Dil Main Jo Darr Aaya, Kohi Mujh Main Bhi Der Aaya
Wahien Ek Raabta Toota, Mujhy Kuch Aur Khena Tha

Rawaan Tha Pyar Nas Nas Main, Bohat Kurbat Thi Aapas Main
Ussay Kuch Aur Sun-nanaa Tha, Mujhy Kuch Aur Khena Tha

Ghazal

Ye zehmat bhi to rafta rafta rehmat ho hi jati hai
Musalsal gham se gham sehnay ki aadat ho hi jati hai

Maseeha ho agar tum sa to zaroorat kya hai marham ki
K kanton se bhi zakhmon ki jarahat ho hi jaati hai

Taluk jin se ho gila un par aaya hi karta hai
Mohabbat jin se ho un se shikayat ho hi jaati hai

Ye zaroori to nahi k suraj sawa nezay per aa jaye
Badal jaye jab koi apna to qayamat ho hi jati hai...

Chhatay hain hum.....

Nigahon k samander ka thikana chhatay hain hum....
hamein tum se mohabbat hai batana chahtay hain hum,,,,

hamain achi nahi lagti kisi mausam ki shadabi.....
tumhein bas apni sanson mein basana chahtay hain hum,,,

hamara ghar to roshan hai hamaray naam se lekin....
tumharay naam se jeewan sajana chahtay hain hum,,,

hamain har haal mein tum se aqeedat or mohabbat hai....
tumharay paas aanay ka bahana chahtay hain hum,,,

Khush Rahoo.....

Zindagi hai choti, har pal mein khush raho...

Office me khush raho, ghar mein khush raho...

Aaj paneer nahi hai, dal mein hi khush raho...

Aaj gym jane ka TIME nahi, do kadam chal ke hi khush raho...

Aaj Dosto ka sath nahi, TV dekh ke hi khush raho...

Ghar ja nahi sakte to phone kar ke hi khush raho...

Aaj koi naraaz hai, uske iss andaz mein bhi khush raho...

Jise dekh nahi sakte uski awaz mein hi khush raho...

Jise paa nahi sakte uski yaad mein hi khush raho

Laptop na mila to kya, Desktop Computer mein hi khush raho...

Bita hua kal ja chuka hai, usse meethi yaadein hai, unme hi khush
raho...

aane wale pal ka pata nahi... sapno mein hi khush raho...

Haste haste ye pal bitaenge, aaj mein hi khush raho

Zindagi hai choti, har pal mein khush raho