Sakhtiyan Karta Hun Dil Par Gair Se Gafil Hun Main

"Sakhtiyan Karta Hun Dil Par Gair Se Gafil Hun Main"

By Allama Iqbal


Sakhtiyan karta hun dil par gair se gafil hun main
hay kya achi kahi zalim hun main jahil hun main

hai meri zillat hi kuch meri sharafat ki dalil
jis ki gaflat ko malak rote hain wo gafil hun main

bazm-e-hasti apni araish pe tu nazan na ho
tu to ik taswir hai mahfil ki aur mahfil hun main

dhundhata phirta hun ai "Iqbal" apne ap ko
ap hi goya musafir ap hi manzil hun main

0 comments:

Post a Comment

 
Cultu UR Technologie Directory Shane English WEB Directory