Teri khushbu ka pata karti hai
mujh pe ehsan hawa karti hai
shab ki tanhai main ab to aksar
guftagu tujh se raha karti hai
dil ko us rah pe chalna hi nahin
jo mujhe tujh se juda karti hai
zindagi meri thi lekin ab to
tere kahne main raha karti hai
us ne dekha hi nahin warna ye ankh
dil ka ehwal kaha karti hai
beniyaz-e-kaf-e-dariya angusht
ret par nam likha karti hai
sham parte hi kisi shakhs ki yad
kucha-e-jan main sada karti hai
mujh se bhi us ka hai waisa hi suluk
hal jo tera ana??? karti hai
dukh hua karta hai kuch aur bayan
bat kuch aur hua karti hai
abr barse to inayat us ki
shakh to sirf dua karti hai
faisala sirf hawa karti hai
Click Here for more Parveen Shakir Poetry Collection
1 comments:
East or west Parveen Shakir is the best. I really like Parveen Shakir poetry it always attracts the people who love poetry. Thank you so much for sharing lovely Urdu shayari
.
Post a Comment