Har Haqeeqat Majaaz Ho Jaaye

Har haqeeqat majaaz ho jaaye
Kaafiron ki namaaz ho jaaye

Minnat-e-chaara'saaz kaun kare
Dard jab jaan nawaaz ho jaaye

Ishq dil ma rahe to ruswa ho
Lab pe aaye to raaz ho jaaye

Lutf ka intezaar karta hoon
Jor taa hadd-e-naaz ho jaaye

Um'r be'sood kat rahi hai Faiz
Kaash afshaa-e-raaz ho jaaye

By Faiz Ahmed Faiz

0 comments:

Post a Comment

 
Cultu UR Technologie Directory Shane English WEB Directory