Wafa Main Ab Ye Hunar Ikhtiyaar Karna Hai

"Wafa Main Ab Ye Hunar Ikhtiyaar Karna Hai"
By Mohsin Naqvi

Wafa mai ab yeh hunar ikhtiyaar karna hai

Wo such kahey na kahey aitbaar karna hai

Yeh tujh ko jaagtey rehnay ka shauq kab say hua
Mujhey toh khair tera intezaar karna hai

Hawa ki zadd mai jalaaney hain ansoo-on kay chiraagh
Kabhi yeh jashn sar-e-rah guzaar karna hai

Wo muskura kay nayee waswason mai daal gia
Khayal tha keh usay sharmsaar karna hai

Misaal-e-shaakh-e-barehna khizaan ki rut mai kabhi
Khud apnay jism ko bai barg-o-baar karna hai


Tairay firaaq mai din kis tarhan kattey apnay
Keh shugal-e-shab toh sitaarey shumaar karna hai

Chaloo yeh askh hi moti samajh kar baich ayeen
Kisi tarhan toh humein rozgaar karna hai

Kabhi toh dil mai chupay zakham bhi numaayan hon
Qaba samajh kay badan taar taar karna hai

Khuda khabar yeh koi zidd keh shauq hai "Moshin"
Khud apni jaan kay dushman say pyaar karna hai



Want to Read More Mohsin Naqvi Poetry Click Here