Kya andheron k dukh kya ujalon k dukh

Kya andheron k dukh kya ujalon k dukh,
jab harra dein muqadar ki chalon k dukh,

jin ki ankhein nahi wo na roein kabhi,
jaan jaein agar ankh walon k dukh.

Meri manzil kahan, humsafar hy kidhar,
Maar dalein ge ab in sawalon k dukh.

Tum mile ho tumhari muhabat nahi.
Hijar se barh gaey hain wisalon k dukh,

Do ghari k liye pas baitho agr,
Bhool jaein gey hum kitne salon k dukh.

Meri sochon k jalte hoey dasht se,
Cheen le aa k apne khayalon k dukh.

Classical Poetry Stuff